"Call for
Submissions"
è finì.

Tge bel rudè da lavur creativa: Grazia fitg per las numerusas annunzias. Nossa giuria sa scuntra ils 12 da fanadur per l’elecziun e nus infurmain alura sur dals participants e da las participantas e lur ideas d’affar che nus avain elegì. Qua gia la circulara electronica abunada, per esser sin il current.

Da tge sa tracti?

Creative Hub promova las meglras e pli innovativas ideas d’affar da l’economia creativa svizzra: Cun il «Creative Business Coaching» etablì e l’access a sia vasta rait. Vus profitais da 16 coachings tenor mesira, che gidan vus d’introducir voss’idea da start-up en il martgà e da sviluppar quella cun success.

Tgi è dumandà?

Profis creativs ed ambiziunads. Umans ord il conturn artistic e furmativ, che vulan crear cun lur talent insatge excepziunal: saja sco designer/designra da software u game, architect*a, fotograf*a, cineast*a, designer/designra da product, industria, moda e medias, artisan*a. Ord tut ils territoris linguistics da la Svizra. Gugent era en teams interdisciplinars.

Tge porti?

Noss coaching gida da realisar voss’idea d’affar cun success. Vus emprendais da definir voss model d’affar e da manar quel a la madirezza dal martgà per pudair fundar in’interpresa, construir l’organisaziun e bler auter. Noss coachs e nossas expertas versadas mussan a vus nua ch’ils potenzials e latschs giaschan. Plinavant communitgain nus voss business, gidain tar l’interdependenza sco era da prender part al Creative Business Cup, che porta a vus supplementara attenziun naziunala ed internaziunala.

Tge quinta?

A la testa stat l’idea: Ella sto esser unica ed avair in cler potenzial da martgà – era per l’export. En il cas ideal è la fasa d’ideaziun e concept terminada e vus essas londervi da construir voss business. Quai vul dir: Vus essas pronts d’investir temp, resursas e tutt’energia. Vus savais s’annunziar sco persunas singulas u teams. Voss domicil sto esser en Svizra.

Co sa splega l’annunzia?

L’emprim duvrain nus voss’annunzia online. Suenter datti ina preselecziun a maun dals documents inoltrads. Ils participants/las participantas cun las ideas d’affar las pli empermettentas envidain nus al pitch-event a Berna. Qua decida la giuria finalmain sur dals teams che prendan part al final. Ils coachings cumenzan a l’event da kick-off durant la Bienala da design a Turitg.

Ultim termin d’annunzia è venderdi, ils 28-6-19, 24 uras.

termins

fanestra d’annunzia:20 da matg – 28 da zercladur 2019
preselecziun:29 da zercladur – 5 da fanadur 2019
pitching-Day:12 da fanadur 2019
proclamaziun:15 da fanadur 2019
start dal program:mez avust 2019
kick-off uffizial:30 d’avust 2019 (Bienala da design, Turitg)

Tgi che nus essan?

Il Creative Hub è la plattafurma per la promoziun da l’economia creativa svizra, sustegnida da Engagement Migros ed ulteriurs partenaris. Nus gidain a creativs svizzers da commerzialisar ideas da products e d’affar – a moda economica, ecologica u sociala. Nossa purschida cumpiglia sper elements da perfecziunament era l’access a nossa vasta rait. Cun quellas cumponentas etablin nus in sistem da martgà effectiv per talentads creativs. Suenter ch’il Creative Hub ha promovì dapi la fundaziun 2013 la massa, stat davent dal 2019 la promoziun d’excellenza en il center.

Partenari da promoziun

Partenari da sustegn

Avais dumondas?

Nus ans gidain bugen vinavant: Jakob Blumer, Creative Hub, Aarbergergasse 46, 3011 Bern, info@creativehub.ch, +41 77 417 39 71

I gira bler tar il Creative Hub.

Na perdai il fil! Nova pagina web, interessants tips, occurenzas, links e bler auter! As annunziai ussa per la circulara electronica e manchentai nagut!